2013年6月21日 星期五

Day 16 終極挑戰上壽卡, 知本溫泉鬆一鬆 (27/06/2012)


今天要挑戰壽卡!! 本來想訓耐D, 不過看過天氣報告知道今天仍然會好天, 又近海邊, 不看日出會有點浪費! 四點多爬起身, 看一看窗外, 決定出外! 不過有人太累, 只好自己一個吧 /.\


住在遠離市區的人真的會早點起來的嗎?
落到樓下見到住在店內的台灣伯伯已經在打點了!
他知道我去看日出還跟我聊了一下, 很可愛的伯伯!



走到附近的海邊, 天色很不錯呢! 而且時間相信也差不多了!



雖然在香港未曾突意到海邊看日出, 不過之前在韓國當交流生時在正東津看過, 很難忘
所以來到台灣也要看一次, 相信下一次應該要是日本吧! xD


等左一陣, 五時十七分, 終於俾我等到了!!


看到這一刻, 也不知該說什麼了...這麼完整由海面升上來的日出,真的第一次
在美國大峽谷看的也不夠這個來得好!!


好美...








我想, 有時做人簡單一點, 能夠看到這麼美的太平洋日出, 享受那一刻寧靜,
已經足夠了



呢隻狗也是來看日出的嗎?



看來這個小鎮的名字已經充分地表達出它的精髓吧!




這個充滿原住民特色既小鎮, 下次可以多逗留久一點吧


回到房間, 眠多一眠, 就準備出發!
老闆娘都好好, 知道我地一班車友 (仲有琴晚兩個香港人和幾個台灣人) 準備攻頂
弄了早餐給我們, 六點半和大伙一起食早餐


食完早餐, 執好野, 正式出發!!
出發前"完完整整" 影張合照!
希望去到台東還能完完整整吧! xD


晨早八時十五分正式出發! 這應該是說了這麼多天"早起" 最早的一天吧 xD
但說了這麼久壽卡, 究竟有多嚇人呢?
沒什麼, 大約 20 KM 上四百六十多米高吧了 (比IFC還要高!)
對於平時沒什麼踩單車, 還掛著兩個馬鞍袋的人來說, 真的沒什麼..../.\


踏上199縣道, 上坡後上十多秒就甩鏈了...這是不好的預兆嗎? /.\
快快調較好, 繼續上路!
不過路真的斜得很誇張...最斜的路已經無心機影了 /.\


連綿不斷既上坡, 加上接近中午既太陽, 完完全全將自身體力秏盡
有些坡度基本上一定要用推的才能上, 如果唔係就之字型的上
有夠恐怖
所以話, 環島最重要的是輕便, 如果唔係, 到了壽卡你便後悔了 /.\

比IFC 還要高的高度, 風景是不錯的
幸好琴晚在士多買了八寶粥和足夠的水, 如果唔係後果會好慘!

間唔中見到有車駛過, 會諗究竟自己係度做緊咩? /.\


壽卡, 令人又愛又恨啊!



到了呢個分差位, 雖然還會有上坡的, 不過坡度明顯少了, 比較舒服一點




有個哭泣湖, 可是還是留待下次不在踩車的時候去吧!


很有原住民的特色





有時還會有微微的下坡

快到壽卡最頂點時看到天空上有D咁既野, 是火箭嗎哈哈


終於, 終於! 十一時十五分, 用了三小時, 上到最頂點, 壽卡鐵馬驛站!! 啊!!
一個環島者朝聖必到既地方!!



呢隻貓既動作完全反映左呢一刻我地想做既事!!!


係入面大休左一段時間, 恢復體力後就繼續出發!


佢都無眼睇了哈哈

之後便是連續二十多KM既下坡!!! 努力是有回報的!! 爽YY
不過同時也要付出代價/.\
咁岩呢段路做緊工程, 噴到一地水, 加上工程的泥沙, 快速地滑過這段路既後果只有一個, 就係連人帶車沾滿泥沙! 之後去到七仔個廁所點洗都洗唔甩D泥沙 /.\


係七仔抖左陣繼續出發, 路也變得正常一點



而且都是我最愛既海邊!



來一個自拍吧 xDD


繼續向台東進發! 暫定目的地係太麻理




見到個海邊涼亭, 買杯綠豆沙抖下, 訓陣先!






影番張相留個念先!



雖然海邊好美, 不過路段不斷上上落落, 對於剛挑戰壽卡的人來說, 簡直是惡夢!!


加上很多大型貨車在身邊駛過,心理壓力實在不少!!



現在回想起來, 這段路真的是"捱" 過來的 /.\




首先經過金崙溫泉, 在那裡的七仔抖左陣
在民宿遇到的那兩個香港人說會停在這裡
不過見時間還早, 還是繼續前進吧!


不過之後便後悔了, 因為之後上坡落坡的幅度愈來愈大!
這肯定是環島這麼多天最辛苦的一天 /.\




可是經過太麻理卻找不到合適的溫泉旅館, 後來才知道這裡曾經受過水災破壞...


沒辦法了, 只好繼續前進, 目的地係知本溫泉!! (圖為上坡中...)


都差不多看到台東市了..../.\
(但到了明天才知道這決定是正確的! 詳見下一篇)


在這裡左轉, 一直去就係知本溫泉了!
之後有位機車呀嬸幫D旅社兜客, 跟她殺了一陣子價, 便跟著她到了旅社, 看了看環境也不差, 便進去了, 還可以推車上房


安頓好就出去找吃的, 途中看到這隻被人當成寵物的肥豬!!


太累了, 隨便找了間普通中餐的, 也可能真的太累了, 胃口也一般般
食飯途中有人跟我們打招呼, 原來是琴晚都係住我家民宿的一班台灣年青人,
佢地有部機車, 之後便交替式的踩單車, 呢個做法不錯!


有溫泉蛋!


準備浸溫泉時才發覺無帶泳褲, 好在隔離有得買
唔知係咪環島哂得太黑, 個職員問我係咪雲南泥既..../.\
之後仲有個廣州人問我係邊度泥, 我本身以為佢係香港人, 心諗仲想答佢柴灣.....文化差異!
浸完成個人鬆哂! 推介大家踩完壽卡一定要浸一浸!
之後太累了, 返到去即訓!!



是日騎乘距離: 92.2 KM
總距離: 848.5 KM
洗費: 住宿 NT 1000 + 飲食
= 約 NT 1800