2012年8月29日 星期三

Day 4 天氣轉睛, 負傷夜騎趕路到中壢 (15/06/2012)


今天從淡水出發, 正正式式離開台北市! (終於可以"正式" 環島了! xDD)


琴晚係淡水住既民宿~~

呢度呢個價真係唔錯!

部相機因為間房既泠氣太強勁, 每次走果陣都會蒙蒙地 =="

走出去有一個很不錯的露台~

可以遠望淡水~

 

去買左永和豆漿做早餐 ^^ 咸豆漿都幾特別~~

十一時出發!!

俗語話意外係永遠唔知幾時泥...就係一段單車徑既灣路上, 女朋友仔意外地抄車了! 立即回頭拿出藥包和替她檢查傷口, 幸好只是皮外傷, 但由於當時太曬了, 情況不太妙, 立即扶她到樹下休息! 圖中兩隻小狗(應該有一隻乳牛哈哈) 該是在一起安慰她替她打氣吧! 實在是有點擔心, 在樹下休息了大概半小時多, 睇清楚無大礙, 便繼續出發吧! 因為實在太熱了, 坐著也不是辦法

繼續前進後, 速度要減慢, 因為有個傷者, 可憐單車褲也破了一點....
踩了一會見她沒事, 還有心情拍照, 那應該沒有大礙吧! 心也放鬆了不少....

踩到對面岸既八里, 見到單車鋪立即買左兩對單車手套! 一來可以避免受傷, 二來可以減低長期踩車既勞損, 本身打算在香港買的, 但總覺得有點貴, 這邊才 NT 450 兩對! 老闆都好好人, 臨走前送了四瓶冰水給我們!!!! 完全係雪中送炭~~

八里~ 兩年前到過這裡一次, 想不到今次竟然係環島 ^^

巨無霸雪糕!!超讚的!!

之後一直沿住條單車徑一直踩~~

踩左去一個好似博物館既地方~ 不過已經唔記得左個名@@

雖然唔係最北, 不過呢度已經係北台灣海岸其中一部分啦~

離開單車徑, 進入台十五線公路~ 之後大部份時間都係踩公路啦!~~
見到休息站, 應該入去參觀一下 xDD

入到鐵馬休息站, 有個女人(負責人)叫我地去個水機裝水~ 之後同佢吹左陣水, 佢話有機會都想泥香港玩, 希望佢既願望好快成真!

再踩多陣就見到海啦!

負傷仲繼續陪我癲, 真係辛苦了 ><"

一路沿住台十五走, 就唔會錯!~ (其實六十一快速公路係痴住台十五的)

中午時還是天睛的, 但幾個中就變到咁陰 =="


好多牛呀!!

雖然陰天但係踩起上泥都不失為一件好事~

進入了風車陣~


踩得累了, 就在路邊休息一下~飲淡水, 拍拍照~

相信已經進入台灣海峽的水域了, 對面海應該係強國~~
呢個沙灘幾靚~~

有點似想落雨...好在最後都係好似~~xD

終於進入到桃園縣! 第一步穿越其他縣道~

看見便利店, 第一時間入去醫肚! 台灣最大型既連鎖式便利店有三間, 7-11, FAMILY MART & 萊爾富~ 今次這間是萊爾富~~(最熟悉台灣便利店既除左環島友仲有誰?!!xDD)


/.\


又係風車陣啦~

台十五的路都是不斷上上落落既天橋, 不算太辛苦, 上到橋仲可以遠望美景~


風車和點點陽光既倒影~

終於感受到單車環島既浪漫了?

可是好景不常...今次輪到我了!!
當我享受緊單車既快感....眼尾一看!右手邊有一群流浪狗!! 係一群! 大概有五至六隻!!
相信各位有踩開單車既都知接下來會發生咩事, 沒錯! 就係俾狗追!!
其實我一同佢地有眼神接觸就心知不妙, 佢地係一輪狂吠既同時全部拔足而起, 以九秒九既速度向我襲來!! 我第一個反應就係, 三十六計, 走為上計! 於是立即用了全身 200%既力量向前爆發, 可能太用力既關係, 架車都差一點炒低...眼見為首既一條狗同我隻腳只有一隻手掌既距離....最後得以脫險 不過! 女朋友仔卻在大後面, 立即掉頭 幸好那群流浪狗對她沒興趣, 加上可能她養狗經驗豐富 xD 最後也齊齊安全脫險!

驚魂過後, 繼續前進..~

呢個好似叫桃園縣科學園既地方~

時近黃昏, 不過眼看還有一段距離才到新竹, 於是打算前往中壢, 可是卻不確定該在哪轉, 於是便在這些紅燈位問一問機車既司機~ 熱心既台灣人好努力地解答, 十個讚!!

來到一個叫觀音既地方, 估唔到真係有個八九層樓既觀音係度 @@

轉向離開台十五, 去六十六高速公路 (傍邊有機車路)
天色已暗了~


 黃昏後都很多蚊之係度嬲下嬲下@@

轉向後由六點差不多踩到八點才到中壢, 中途係七仔嘆左陣思樂冰~
才第四天, 就第一次夜騎~ 睇泥之後要早一點出發!~

 幾經辛苦終於到中壢, 起初搵左間實在太太太差了, 地上還有隻反左肚既曱甴....隻腳仲郁的...@@ 同老闆講聲唔好意思就再搵過, 呢間終於正常一點! 講咩都假, 乾淨最緊要!

不過始終對中壢呢個地方無咩好感, 一來第一間住宿實在太差了, 二來這裡有點亂...
女朋友仔由於負傷, 加上太累了, 倒頭就睡, 我就落去買外賣番泥, 仲記得買柯仔面線時老闆見我環島仲打算請我食, 台灣人真好客! 哈哈~~

P.S. 由於今日有被狗追既慘劇, 加上女朋友仔跌傷,實在黑仔!之後一直擔心會再遇到流浪狗, 於是上網尋找解決辦法, 這才知道狗是天生中意追人的, 尤其是我們這些慢慢的, "能力可及的" 單車, 但大部份也不會咬人, 而且狗天生欺善怕惡, 解決方法, 不要跑, (那今天可做了錯誤示範 ==), 俾面色佢地, 再唔得就落車, 佢見到咁突然既舉止係會驚的, 的確萬試萬靈! 最好搵一些棒之類既東西在手以防萬一, 可以作勢嚇一嚇佢地!~




是日騎乘距離:  84 KM
總距離: 125.2 KM
洗費: 住宿 NT 1000 + 飲食 +單車手套
= 約 NT1800